Situacion: Dintratz dins ‘na pastissariá e sentetz ‘na odor tot plen bona. Dijatz-zo a la pastissiera.

Interpretacion de l’enonciat: Declarativa enfatica

Informador: P. F.

Descripcion: Aqueste contorn a dos domenis intonatius. Lo primièr es l'interjeccion Ò!, que recep una pojada de ton seguida d'un ton de frontièra bas. Dins lo segond, trobam un contorn en dents de ressèga: los tons nauts alternan amb de tons basses a cada sillaba. Sus la primièra sillaba tos, avèm un accent tonal naut, puèi lo ton davala sus la sillaba seguenta gas-, puèi i a tornarmai un ton naut sus la sillaba tonica -teus, tòrna davalar sus an, pojar sus u-, davalar sus -na o, e s'acaba sus un ton naut sus la sillaba -dor, que recep amai un ton de frontièra bas. Remarcarem que dins aqueles contorns en dents de ressèga, los tons nauts venon de mai en mai nauts: i a escalonatge amont (upstep).

Enonciat: Ò! Tos gasteus an una odor!